See You Next Life······
    生活中，遇到的人同事实在系太多太多，每日都有好多人响你身边擦身而过。试想吓，成个世界几十亿人，能够擦身而过已经是一种幸运，如果可以认识就更加系缘分！
    能够认识你系一种缘，使我觉得世界真系好细，人之间的距离可以突然拉得好近，但系，仅此而已。痛并快乐着就系我的感觉，唔记得有几多个夜晚突然醒来，拎起手机睇吓有无短信回复，但随后系一次又一次嘅失望。每次都系对自己讲：“马上就会有回复······”或者，可能系我自作多情，可能系我

定位错误，又可能系我地根本就唔需要认识······
    愤怒和不忿只会使人迷失方向，爱的反面就系恨。不过，咁又有咩作用？又可以做D咩呢？纵然心有不甘，但系经过时间的洗刷，总有淡去的一日，当几十年后的某天回想昨日种种，换来的可能系一个傻笑。都好，起码系一个经历啦。
    两条相交的直线，在交点之后就继续往前走，永远都没有第二次相遇。有D人会同我地擦身而过，虽然有时我地会挂住，但系行过咗就代表过去······
    See You Next Life······

    衣家系星期六晚上三点零二分,严格来讲其实系星期日凌晨.今晚同班初中同学去饮茶,咁啱得咁桥,撞正另外一个同学嘅饯行,咁就一齐去参加咗.见到佢移家咁我都好开心,有得出国留学又有个咁锡佢嘅男朋友.虽然系要去到南安普顿咁远,但系一年好快就会过.

    听住Suede嘅Saturday Night,突然谂翻起好多以前初中嘅事.Suede系我第一队接触嘅Bri-pop乐队,记得嗰时仲系初二,成日听电台,特别系一D英文歌嘅节目.第一次听到呢首歌觉得感觉好正,记得有一个星期六晚响滨江一边行,一边听住呢只歌,加上习习凉风,思绪万千.

    一眨眼又九年,时间过得真系好快,再回头,觉得自己宛如一个傻仔,九年入面失去咗好多嘢,得到嘅无几多.后悔已经无用,时间无得返转头,听朝(可能听日抹大只眼已经系中午)瞓醒又系新嘅一日!

    希望在明天!

    呢排好黑仔，做嘢一镬接一镬，人地就话镬镬新鲜镬镬甘，但我仲犀利，我系镬镬一样镬镬甘！有人话：“聪明人系唔会犯同一个错误”，但系好不幸，我个名叫笨仔······

    个天日日都落雨，而且日日都系哺乳，简直烦到抽晒筋！对于要行街嘅我，失身在所难免，唯有多加注意，以免淋病······

    左手嗰4针仲未拆，真系唔明，傻吓傻吓咁拿住把界刀自界，仲要叻到界手掌！后日就拆线，无麻药，仲惨过缝，痛！

    呢排好颓，做嘢越来越无动力，无无聊聊揾翻D旧歌来听，Bri-pop系一个唔错的选择，个人越听越醒神，特别系Travis只Turn，同埋Keane只Somewhere only we know，实在是太正了！Keane，乐队无吉他净靠钢琴同鼓都有咁正嘅效果！赞啊！

    前排畀嗰D咩好好恋爱、好心好报搞到个人好似食鸦片咁傻吓傻吓，真系唔应该！从今日起我同自己讲，我唔会主动去听呢两只歌（咁行场时商场播嗰就更系唔算啦）！

    Turn！！！！！！！！！